مساحة إعلانية
ينتهي : 01-02-2015
مساحة إعلانية
مساحة إعلانية
ينتهي في 4-9-2014مساحة إعلانيةمساحة إعلانيةمساحة إعلانية
العودة   منتديات مجالس شقراء > :: الـمـجـالـس الادبـيـة :: > روضة الشعراء

إضافة رد
 
أدوات الموضوع انواع عرض الموضوع
قديم 26-05-2009, 12:29 PM   #1

الرمادي

الموعد الجنة بإذن الله

 







اوسمتي

الرمادي غير متواجد حالياً
افتراضي من شعراء شقراء : عبد الله الصبي ( مبيلش )

من شعراء شقراء : عبد الله الصبي ( مبيلش )


هو الشاعر عبد الله بن محمد بن عبد الله الصبي المشهور بلقب ( مبيلش ) ولد في شقراء عام 1301هـ وعاش ونشأ وتعلم بها كما سافر لطلب الرزق لعدد من المدن والدول ولعل أشهرهما دولتي الكويت والبحرين حيث امتهن الغوص كما كان له مساجلات شعرية سواء مع شعرائها أو مع الشعراء الذين يتوافدون عليها طلبا للقمة العيش كان شاعر مجيد أبدع في جميع أغراض الشعر خصوصا في الشعر الحماسي والوصف والهجاء حتى خشيه الشعراء وغيرهم من شدة هجائه ، يقول زكي أبو معطي : لم أكن أتوقع أن الشاعر مبيلش يهتم بنسخ الكتب والأوراق مثل كتب السلف وغير ذلك ، وقد وجدت رسالة اسمها ( موعظة ) وهي لابن قدامة المقدسي على آخرها اسم الشاعر لأنه نسخها ، وهي في مخطوطات شقراء الموجودة الآن في مكتبة الملك فهد الوطنية بالرياض ، ولا يوجد تاريخ للنسخ لكنها من ضمن مجموع نسخ أغلبه ما بين عامي 1317 ـ 1346 هـ وهي نفس فترة الشاعر
لازمه عبد العزيز بن إبراهيم الشقاري رحمه الله وسجل بعض أشعاره وكان يأمره في آخر حياته بشطب بعض الأشعار إلا أنه من المؤسف فقدان كثير من أشعاره توفى رحمه الله عام 1371هـ


من أبرز قصائدة



أولا : الغرض الحماسي والحربي



قصيدته في حرب اليمن عام 1351هـ

أتغيشـم وانـا لـي ملحـظ ثانـي=واذخر القيل عندي لين جـا حلـه
وان مشى الجمع دورنـي وتلقانـي=في ذرا بيرق ريمـات يبـرن لـه
ذيب يا اللي بخشم طويـق جيعـان=دوك الارزاق وجـرك للعـوا خلـه
جر صوتك الذيـب اكبـاد وهـدان=والوعد مركـز البيـرق ليـا فلـه
مرذي الجوف ابو تركي ذرى العاني=مورد السيف لا رقاب العـدا سلـه
شيخ كل الجزيـره طيـر حـوران=لو تقولون يحيى قلـت : لا بـا لله
دوك يحيى عقـب ذاك القسـا لان=وانسحب كن ما صنعـا بملـك لـه
يـا سحـاب ثقيـل نـو غضبـان=فوق صنعا تعرض والغضـب هلـه
ساقـه الله علـى عبـاد الاوثـان=واحرق الزلم واستقفى على الحلـه
كن نطل الجنايز في ضحـى ثانـي=في مهاويه ضيـن ضاربـه علـه
بالمشـوك نعـدل كـل فسـقـان=لين يركب علـى التوحيـد والملـه
جعل ربعـي لهـم عـز بالاكـوان=من تعدى الشريعـه شينـوا دلـه


قصيدته في موقعة تربه بين الأخوان والشريف في 14 / 8 / 1337 هـ

نجد مطلبها على غير ابو تركي صعيب=يا محاول حلها دونها قطع الرقاب
دونها خزام خشم الصعب سقم الحريب=درقة التوحيد والدار عن هضم الجناب
شيخنا في ذروة المجد له بيت عريب=في الثرى ساسه وراسه يخطم للسحاب
يالله انك لا تردي لا بو تركي نصيب=يا رفيع الشان عـزه عساها تستجاب
جعل من هو كاره عز ابـو تركي يخيب=خيبة ياقف مداها علـى غضر الشباب
جمعنا له في ضحى الكون مضراب عطيب=بالسيوف البيض ومشوك ضربه صواب
نيتم العيل ونفـرق حبيب من حبيب=نرد حوض الموت ورد الضوامي للشراب
إنشد الحاضر يعلمك كانك مستريب=لين تقضب راس علمي وصدقي في الجواب
يوم غزو البيه في حد حزم من شعيب=ساقه الله ثم سقناه باصواط العذاب
كن صفق سيوفنا والنمش صفق الرطيب=في غوارب عسكر ساقه الله للذهاب
يا غريس طويق شرع ترى المربع خصيب=تو ما هب الهوى لك وطاب الك الشراب


عرضه بعد استرداد أغنام شقراء من أيدي بعض اللصوص

لابتي سلة بني زيـد والطيـب ظهـر=لاجت الضيقات مايظهر الا المستحيـن
لا احتزمنا والتوينا على مثـل الزهـر=نقطع العشّيق من شوف موضية الجبين
ضربنا بالراس والا على حـد الظهـر=في عدو الدار تلقـا مضاربنـا تبيـن
ياعمار بالمواسـم نعرضهـا الخطـر=والمنايـا والمقاديـر تكتـب بالجبيـن
ياهنوف العين لباسـة الثـوب الحمـر=لاتبين اللي ضحى الكون فعله مايبيـن
ترّك اللي عند هيشان ربعـه ماظهـر=يوم تكسير العزاوي وضرب المارتيـن


ويقول في الملك عبد العزيز :

الله البادي ولاخيب الله من دعاه=رافع الرايه الفعّال في الناس الجميل
معطي الخلق المحاويج يوم الله عطاه=من جزيلات الوهايب إذا شح البخيل
أتمنى والتمني من العاقل سفاه=لو يطيع الموت ياخذ عن الطيب بديل
ويش يبغى بالردي لو تمادى فـي الحياه=ما ورا عمره ولو طال في الدنيا حصيل
قبل ابوتركي وحنا مع الدرب المتاه=في سواريت الجفا بين ماسور وقتيل
شيخنا لازال يرفع لنا طيّب نباه=حطه الباري على نجد واطرافه وكيل
ماتبين له على الدين من فتق رفاه=كنه المهدي وياقرب سعد من دليل
رايه الميمون في كل ماجوب نواه=كم تحمل عن رعاياه من حمل ثقيل
إن عطى قلنا عطاياه مفتاح الغناه=وإن سطا عينت مضراب هداته جليل
عاش من يضفي على الدين والدنيا ذراه=سايس الثنتين عدّال منهن مايميل
ساسها بالعدل واختاره الله في سماه=دعوة من صالحين السلف رفعت بليل
إنشد المنصف عن البيت يوم انه ولاه=والمدينه من عمرها بتمهيد السبيل
يركب الحجاج من هجر وسلاحه عصاه=ماعليه من المواذي كثير ولا قليل
أمن الخايف وضاعف على الحايف جزاه=واستراح من السهر في المراح وفي المقيل
لو صلاح الناس في غارب الجـوزا بداه=مايذل من المخاوف ومن ربه ذليل
عزه الله من خليفه ومن خلّف وراه=يالله اني لك عن الحط من قدره دخيل


وقال عن معركة السبله صباح السبت 21 شوال 1347هـ :

نحمد اللي عز دينـه وصـدّق بالوعـد=والبس التوحيد ثوب من البيضا جديـد
وادرج القاله على راس خـوان العهـد=ربنـا بالمخالـيـق يفـعـل مايـريـد
ولّ عود ماتميـز محمـد عـن حمـد=تدعي بالدين والدين عن مثلـك بعيـد
ياضعيف الجد والجند وضعيـف الجهـد=يامقلب مذهبه يـا العنيـد بـن العنيـد
غـادي قلبـك بعميـاه تـوّه مابـعـد=والف الدين الحنيفـي ولاديّـن وكيـد
شيخنا اللي درسك في حديـث المعتقـد=وانت قبله ماتعرف الحديث من النشيـد
يوم اراد الله عليـك المضـره والنكـد=وهقك ...فـي لجـة الحـرب الشديـد
إنشد...عـن حالهـم يـاابـو فـهـد=جعلها حـال عليهـم إذا عـادو تعيـد
كنهم بيـن العثاميـر والحـزم الجلـد=في مداس الخيل يوم ادبروا حب الحصيد
فـي نهـار ذاهـل والـد عمـا ولـد=تشتعل نيرانها من حديـد فـي حديـد
يابيوت السرق ماعاد يبنى لـك عمـد=هودي عن دورة الحكم ياسـودا لبيـد
لاتغـرك شاشـة ...لـو كثـر العـدد=مثل بردان التهامي تليّـم ليـن صيـد


وفال عنها

يا إمـام الديـن والتوحيـد=ذبح قطاع الطريـق جهـاد
...الخـايـن النـمـريـد=واطي عرض السريح عماد
زادت النعمه على الصنديـد=وانحرف عن دينه المعتـاد
يـوم اراد الله لـه التلديـد=وهقـه بعلومـه ابـن ...
يحسب ان الموت عنه ابعيد=مادرى انه حولـه الجـلاد
كن جمعه في عريض البيـد=شرقي الزلفي جنوب الـواد
مع طلوع الشمس جافل صيد=حده الحايز علـى الصيـاد
ياسباع طويق هـذا العيـد=عيدي يوم إن عيـدك عـاد


وقال في عرضة حربية

نصرة التوحيـد منـا وحنـا لـه درق=من زمان ادهام وانا حماه أو فـي ذراه
ننصره لا ضيم وانجـدده لامن عتـق=من غدا منا يوصي عليـه اللـي وراه
والحريب انعرّضه وان زمى خشم التفق=لين يمشي في هوى الله ويرجع عن هواه
ما لنا اصدق من احدود الرهايف والفشق=والرفاقـه لا وصل كـل علم منتهـاه
واعرف ان اللي لضده على بـده وثـق=مثل قاضب غارب الداب يحسبها عصاه
شطر الخاين وقرب مقـام اللـي صدق=واسبر الثالـث ابعقلـك تبيّـن ما وراه
ون قدح زند الحـوادث فبالك والرهق=لذ على اكوار العزايم وما اجرى الله قضاه
إحفظ الطاعـه تراهـا مفاتيـح الغلـق=لا ترجي منـه يرفـع مقامك واتعصاه
وان عدانا الفود بالجود ما سـر الملق=والمخاير نزهـم الله علـى قلعـة مداه



ثانيا : الوصف



قال وهو في البحرين مبديا حنينه للوطن :


رماني ردي حظي على شرقي الاسياف=على ساحل البحرين نـوخ مراحيلـه
على ديرة البرغوث في مقعد ينعـاف=عدوك من الناس البعيدين تـاوي لـه
إذا جاك في تال زمانك سمـوم جـاف=ونجد بتالي الوقـت قلـت محاصيلـه
ترحلت مـن دار لـدار بهـا ميـلاف=ولاكل من ساقـه زمانـه بيافـي لـه
ادور بركب الغوص رزق من الاصداف=ابقاع البحر والقرش دايم يبـاري لـه
سرى البرق صيفي مشافه قطن نداف=تتابـع تواليـه الاوايـل وترفـي لـه
لاكن الطهى به يوم عرض علي ارداف=دبش حاكم هج الضحى مـن مقاييلـه
اخيله وانا عقب العشا بـارق كشـاف=على بر فارس يشتعـل فـي مخاييلـه
أخيله وأنا دمعي علـى وجنتـي ذراف=كما وبل هملول جـرى فـي مساييلـه
أراعي نجوم الليل والغيـب ماينشـاف=وادير الفكر في غاية العـز والحيلـه


وقال عندما هدم بيته وبناه واستنفد ماعنده :

ياحيسفا يادار ياللي غـدت قـوع=تلاوحوهـا بالعتـل والفـواريـع
أطول خشبها قايسه مايجي بـوع=واقصارها كنه عظـام الكراسيـع
دار أولين كنهـا جحـر جربـوع=نصف مديخيل ونصـف مطيليـع
مانيب عن تصريف داري بممنوع=احطهـا حيشـان والا مرابـيـع
وابوخليل عويب الكـف والكـوع=إن قلت عجل قال لااسمع ولااطيع
والله لولا الحبل مثنـي ومربـوع=على السواعـد ليتيـن بتربيـع
لاقول :يـادلال بالسعـي منفـوع=لي منك مجهودك ولك مني البيـع


وقال عنها أيضا :

الفقر فوق جدار داري بنى دار= مستانس ماجاه منـي مناكيـر
دار أولين كلها عـش وغبـار= كن السحا فيها محامل عصافير
وانا عميل شريم وشريم عيار=ياخذ قريشاتي حياله وتقميـر
يبني بها بيت على جال مهيار=دار على القرشا خشبها جذامير


ويقول :

ياسلام الله عليكم عدد ماقيل عز=والي البرق الحقوق ان تعرض بارتكاز
حينما رابت مقادم مزونه واقلحز=وارتكم نشو الطهى في مقاده والعياز
إنطلق من همّله مثل منثور الخرز=كن وداجه على سطحة البيدا البياز
البعير اللي ورا بابكم يوم انحجز=ماصخفتوا للجمل يوم لاحاه الحجاز
ياهل الدين المرجى بوعد مانجز=فرق مابين المطل والتعلل والنجاز


ويقول :

لاوالله اللي علينا كبـرت القالـه=والعين هلت من الفرقا عبايرهـا
والقلب زاره عناه وزادت اثقالـه=وهو من اول دروب القيل ناسيها
قم شب نار الوجار وطيب اشغاله=واصفق ثناويه واجمع زل صافيها
واعرض بريقه على مركاه ودلاله=ثم اكبر النار واحمس فوق صاليها
بن يطير عماس الـراس فنجالـه=ويداوي الكبد عن جرح لجا فيهـا
كنه اذا فاح عود الطيب يبرى له=عنبر سويقه إذا شالوا مغاطيهـا
وان شح صالح على ربعه بفنجاله=ماشح راعي دلال لـه مراكيهـا


ويقول :

ياعين ياللي بكت والنـاس هجـاع=هذا لهـا هجـرة عمـال بزيـاده
أدعي واصوت وهي ماتسمع الداعي=واقول يالعين مالك فـي البكـا راده
ياهيل ياهيل لونك خمسـة انـواع=ياغالي المشترى يابخت من فـاده
قلبي ليا اوحيت طارى الهيل ينصاع=صوعة فطا عن غدير جاه صيـاده


ويقول :

ياراكب اللي كنهن الشواذي=يعطن راكبهن على البال مالذ
يالايمي يرمى برمي التـواذ=يعبا له البارود والملح وفلـذ


وقال في ناقة ابراهيم الشريهي (قليس)

هجت قليسه وهج الجيش قادمهـا=لكنها يوم هجـت هدهـد ماشـي
كنه ليا اقفى مع الخبه يدرهمهـا=نيص مع الصبح يم الجحر منحاش
تخرقت عقب ها الطرشه مناسمها=كن الحفا وصطهن خروق وشاش


فقال الشريهي :

هذي سحيبـه ردي العقـل ظالمهـا=انا احسب انه رزين وصار خرفاشي
إن كان سلمت وفـك الله سوالمهـا=تسبق هل الجيش فاطرها مع الحاشي



ثالثا : المدح



قال في محمد الخاطر البوعينين في الجبيل :

دن القلم ياديب قـم حـط مثلـوم=راس القلم في الحبر خلـه يمضـه
مض على ماترغب النفس بكظـوم=واليا امتلى راسه من الحبر حضه
أعنيك في مدحك محمد عن اللـوم=ماله عن الجـودا عـزوم تكظـه
شيد لخاطر مفخـر العـز مزمـوم=في بيت عز لاقضـى الله بقضـه
يوم الهجوم ومشعل الحرب مضروم=يوم الحسـا وجيوشـه المستلظـه
صفق بجنحان السعد وادرج الحوم=واهوى على الجمع الموالي وقضه



رابعا : الرد
الرد عادة يقال في الملعبة ولا يحفظ إلا النادر منه خصوصا المتقدمين حيث لا أجهزة تسجيل
ولا تصوير مما يوثق تلك النصوص وإلا فإنا شاعرنا مبدع في هذا الغرض من الشعر بل إنه لا يبارى لجودة شعره وحدة ألفاضه



إجتمع الشعراء في سيف الكويت فلما وصل قال:

سمعت الرد في الصيهد وجيت اعدي لكم وانقز=كما الكتفان وقت الصيـف تعجبنـي نقاقيـزه


ثم قال:

سلام ياروس زمت من فوق روس=والروس الأوخر بينت فـي سدهـا
الليله المرزم على الجوزاء عروس=منـه الثريـا مستضيـح خـدهـا
وادخل على الله من خبيثين النفوس=اللابـه اللـي عضهـا فـي بدهـا



خامسا : الهجاء



كان هناك خادم للخاطر آل بوعينين في الجبيل وقد اشترى من مبيلش (مشلح)أعطاه نصف قيمته وماطل في النصف الآخر وقال له متحديا :يقولون انك شاعر ولاتهمني فقال مبيلش :

يوم شفت النظا في الحـزم زلاف=قلت حي الركاب ومن تجيني بـه
هاضني واحد في كـور موجـاف=بين جيش الجماعه كنهـا الذيبـه
قلت:من ذا لعله رجـل وسنافي=قالوا إنه ... قـلـت والخـيـبـه
كيف اباالجول يركب شهب الاكتاف=جيش الاجواد ماهي من مراكيبـه
باشق الصرصره منتوف الاطراف=لو يزوم العـلا عيـت عذاريبـه
يامصقر طويـر المركـز الهافـي=خل بومان في برجـه تلالـي بـه
لاتغـرك ردون اشلاحـه الوافـي=والمعلم اونقش الزري في جيبـه
والمعلـم وشـال فيـه سنجـاف=طالع الحـال لاتعجبـك اساليبـه
للمسيـر بـداره بنـدر دافــي=من تردى نصيبه راح يمسي بـه
حسو الادناس مدهل كـل حـواف=طافحـات كلابـه فـي مغاريبـه
عل من يارده لرهيـف الأسيـاف=فوق جاله تلسـب بـه عراقيبـه
ياهل الميز عدوا قـول الانصـاف=كيف عند العرب مايدنسـه عيبـه
والله انـي لعيـب العبـد كشـاف=يامشاهيب نار العـار شبـي بـه


ويقول :

كن قمـة ...خمـرة فـي وجيـر=أوطريثيث صيف نابت في زبـاره
كن راسه تحت صمط العقيل صرير=مايجي طول شبـر ...عـن زراره
فيه نصف ثوير وفيه نصف حميـر=جيت اشده ولاقدت عليـه الوثـاره
إفتلوا له من اذناب الحصاني ثفيـر=خابره في اصغريه جيد في النكـاره
لا رحم من يقول ان فـي ... خيـر=وين هم يابو عبد الله ووين الخياره



سادسا : الغزل


سأل ابن عمه علي بن زيد لماذا لا تتزوج فقال: أنا شرهة عيني بزين المنظريه فقال مبيلش:

يانديبي فوق عشرين حرايـر=من حرار هتيم مافيهـن ونيـه
نسع الازوار دمثات الحصايـر=كلهنه مـن ربـاع ليـا ثنيـه
فوقهن اعيال واكوار ونجايـر=وامهات اخشاب واشغال قويـه
ياهل العيرات لي فيكـم دبايـر=ماعليكـم يالنشامـى مكنويـه
لي ولد عم تحير بـه الفكايـر=شرهة عينه بزيـن المنظريـه
لايجي فيكم عن اللازم مخايـر=حاجة الاصحاب لازمـة عليـه
فرقوا عيرات الانضا للجزايـر= كل بقع ينحره راعـي مطيـه
دوروا له مثل عفري الزبايـر=جادل عجاب وهروجـه طريـه
كثرو سوق البلايس والبشايـر=لين تلقون الهنوف العسوجيـه
لو يسوقون اربعين من العشاير=واربعين من بنـات المعنقيـه
إنبزوها فوق زينات الوسايـر=والهمام الله يسمـح كـل نيـه
كود عينه تستريح من العبايـر=يرجهن بشوف مجلـي الثنيـه


قال في قعود له أثناء طلاءه :

ياقعودي لودريت بمقصد لـي=كان ماترغي وتجزع من طلايه
ودنا تبرا نزور ديـار خلـي=بس انا وياك توصلني هوايـه


ويقول :

واهج بالضماير حرق الجـاش حـره=أتهضم ويقـدح بالنواظـر شـراره
بين عوج المحاني والسواعد مقـره=في مضيق الحشا له زمة وانحـداره
اشرب الما وعيا بارد المـا يسـره=كل مازاد شربي زاد قلبـي حـراره
والعدو البطيني طالنـي منـه شـره=صـر اذانـه ورز كريعـه للنكـاره
كيف غريتني عن لازمـي يالمغـره=خاب ظني وصارت فرحتي بك خساره


ويقول :

البارحه ما احسب ورا صبحها صبح=وانا احسب الدنيا غدت كلهـا ليـل
كل الليالي الماضيـه جابهـا ربـح=والبارحه راحت ابكـل المحاصيـل
واثر الهوى له رغبة شبحها شبـح=عسر املاطم موجها يفتـر الحيـل
فيها فتر حيلي وانـا جيـد السبـح=من همها دونك اعظامـي نواحيـل
كني عضيض الغلث خطر على النبح=ينبح ليا ما شاف ضـوح المخاليـل
يالله من مركـوز الانهـاد لا تبـح=حسبي على منسوع شقر المجاديـل
يحدني حد الجلايـب علـى الذبـح=كما يحدون الكسايـب هـل الخيـل
بدّل نباه الزين لـي بالنبـا القبـح=عزم علـى حربـي ابليـا دواليـل


ويقول :

ياهل العيـرات ودونـي مليحـه=وأجدعوني في المكان اللي تروده
ضامر السرجاف مايبرا طريحـه=كنها بيـض القميريـه نهـوده
واهني اهل القلوب المستريحـه=ماددروا بالحب وش هونه وكوده

ويقول :

يالله يالله ياللـي تعطـي النـاس=يامعطي الناس تعطي خالي الكيس
يوم ان كل نعس مانـي بنعـاس=لين اول الليل زل وجت غطاليس
ابونهيد يشادي البيض غطـاس=لاج عن البرد بالشقر الدبابيـس
وابو عيون تشادي عين قرناس=ضاف هدبهن على مثل القراطيس


جلس هو ومحمد بن عبد الله الأشهب فقال :

يغيظ ويمتلي صدري من العبره واخاف اني=إذا كنيتها يحرق فؤادي حر صاليها
وانا ياما قرعت من الندم ظفري على سني=والاريا اذناب عوس مايشاف الا مقافيها
ابا أصبر لليالي لين تاخذ حقها مني=أشوف أمري غريب وعلتي ما احد يداويها


ثم قال عطنا بيتك يابو عبد الله فقال :

ملاويف الزمان اللي توطنك توطنـي=وانا مثلك بتالى الوقت حسّتني مكاويها
وعندها رمى مبيلش شماغه وقال كفو يا بناخي بيتك أحسن من بيوتي فرد محمد قائلا

مهب أحسن منك ولكنك أردت تشجيعي


ويقول :

فتني في البحر دانـه=اقماشه راس غلطانـه
الا ياعـود غريـاف=تروّى فوق الاسيـاف
رمانـي والله الكافـي=بعيـن منـه فتـانـه
الايـانـور بـنّـوره=عديم الجنس والجوره
عفر داورد بخضـوره=خلقه من ارتفع شانـه
غرامي به بلاني بـه=وراعي الحب تدري به
كمـا عـود نبانيبـه=من الاوراق عريانـه
اتورى لـي حكياتـه=وشرب مـن شفياتـه
إذا جا وقـت جياتـه=رمع قلبي على شانـه
غريب الوصف فاتني=وهجر منـه ماحنـي
بغيت امـوت لولانـي=جنيت الورد باغصانه

ويقول :

صغير بالهوى ناشي=وهو ماهوب يناشـي
على ماقال ابوناشـي=كفاني منه ميسـوره
إذا كبرت أبا اصلـي=خطر في هاجسي خلي
لعلي منه فـي حلـي=أضيع تالي السـوره
اخذ روحي وراح بها=علـى مـاراد يدبهـا
لعـلـه مايعذبـهـا=عذاب الروح غربالي
يشيل الورد في شيشه=حرمني لـذة العيشـه
على خـده نقاريشـه=ثلاث رقوم وهلالـي
إذا هميت ابا اضمـه=رفع صوته ينادي أمه
مزوح من كبر طمـه=يصيب القلب ولـوال

قال سعد بن عبد العزيز البواردي :

الا ياربوعي ساعدوني على الونه=ونين الضحى اشلى من ونين العشا التالي


فقال مبيلش :

ترى ياسعد طرد الهوى بالهوى سنه=أقوله وانا المفتون في بعض الازوال
أنا من هوى الثنتين جريت لـي ونـه=تسمع لها باقصى الضماير تزلـزال
عفيفات طاروق الهـوى مايعرفنـه=ياكود العجب والضحك وازبن اعمالي


ملاحظة :
لا يعني إدراج قصائده الاتفاق معه فيها رحمه الله ولكن من باب الأمانة العلمية أوردناها مع تحفظنا على بعضها

المصادر
1 ـ كتاب صبا نجد لإبن أخت مبيلش الشاعر والأديب ( عبد الرحمن بن عبد الله آل عبد الكريم (المعروف بأبي عبد المجيد ) وقد أشار إليه المهنا في موضوعه
2 ـ الكاتب : محمد بن سعد المهنا من كتاب منتديات بني زيد
3 ـ الأستاذ : أبو عمر عبد العزيز اليحيان الذي رجع إليه الكاتب المهنا
 
 
 
 
 
 
 
التوقيع

مدونة شقراويات الرمادي للجميع تنادي

http://rmadi.maktoobblog.com/about-g-a-g-h/

تراجم وسير .. قصص وعبر .. طرائف ودرر .. بعضها نشرناه وبعضها ننتظر
https://twitter.com/almojwel

    رد مع اقتباس
إعلانات Google


قديم 26-05-2009, 01:13 PM   #2

bandar

أبو رَود
 
الصورة الرمزية bandar

 






bandar غير متواجد حالياً
افتراضي

الله يعطيك العافية استاذنا الكريم

موضوع رائع وسيرة وافيه لشاعر جميل


بارك الله فيك يابو معاذ ولاتحرمنا من هالفرايد





يثبت
 
 
 
 
 
 
 
التوقيع

.



.

    رد مع اقتباس
قديم 01-06-2009, 05:32 AM   #3

ابو داحم

مشرف سابق
 
الصورة الرمزية ابو داحم

 





ابو داحم غير متواجد حالياً
افتراضي

استاذي الرمادي ،،

كم أنت مبدع .. شهادتي فيك مجروحة والله

عافاك الله على هذا الجهد الجبار ..


اقتباس:
جلس هو ومحمد بن عبد الله الأشهب فقال :




يغيظ ويمتلي صدري من العبره واخاف اني إذا كنيتها يحـرق فـؤادي حـر صاليهـا
وانا ياما قرعت من الندم ظفري على سني والاريا اذناب عوس مايشاف الا مقافيهـا
ابا أصبر لليالي لين تاخـذ حقهـا منـي أشوف أمري غريب وعلتي ما احد يداويها




ثم قال عطنا بيتك يابو عبد الله فقال :




ملاويف الزمان اللي توطنـك توطنـي وانا مثلك بتالى الوقت حسّتني مكاويها


وعندها رمى مبيلش شماغه وقال كفو يا بناخي بيتك أحسن من بيوتي فرد محمد قائلا

مهب أحسن منك ولكنك أردت تشجيعي

البيوت الموجودة رائعة جداً ، ولكن استوقفني المقطع الظريف اللي وقع بينهم
حسيت اني موجود بينهم ( ليت ) اني في ذاك الوقت



أشكرك يا أبو معاذ على هالموضوع الجميل ..

وفعلاً موضوع يستاهل التثبيت

تحياتي لك
 
 
 
 
 
 
 
    رد مع اقتباس
قديم 01-06-2009, 01:22 PM   #4

عبدالله الشويعر

[] أبـــونــوف []
 
الصورة الرمزية عبدالله الشويعر

 






عبدالله الشويعر غير متواجد حالياً
افتراضي

بوركت اخي ابومعاذ على ماسطرته لدينا هنا من انتقاء لأفضل اشعار الشاعر عبدالله الصبي

والموقف اللي حصل بينهم جميل وطريف

تقبلني .وماكتبته هنا يستاهل التثبيت من لدن اخونا الكريم بندر
 
 
 
 
 
 
 
التوقيع

هـناك عــالم آخـر في هـذه الحــــياة ..حتماً سيأتي يوم ألتقي بــه ..فالكلٌ مشـتاق للآخـــر

    رد مع اقتباس
قديم 08-08-2009, 04:53 AM   #5

رحيل الشوق

عضو

 





رحيل الشوق غير متواجد حالياً
افتراضي

شكرا الرمادي
 
 
 
 
 
 
 
    رد مع اقتباس
قديم 30-09-2009, 01:50 AM   #6

بريدز شاهي

Prydz Shahi
 
الصورة الرمزية بريدز شاهي

 






بريدز شاهي غير متواجد حالياً
افتراضي

صح لسانك
 
 
 
 
 
 
 
    رد مع اقتباس
قديم 30-09-2009, 08:31 AM   #7

سديراااوي

عضو

 





سديراااوي غير متواجد حالياً
افتراضي

شاعر فحل
عشنا معه في وقت المغازي والغوص
رحمة الله
وجزاك الله خير على هالنقل
 
 
 
 
 
 
 
    رد مع اقتباس
قديم 30-09-2009, 09:39 AM   #8

ذهينه

عضو
 
الصورة الرمزية ذهينه

 





ذهينه غير متواجد حالياً
افتراضي

صح لسانك
 
 
 
 
 
 
 
    رد مع اقتباس
قديم 04-10-2009, 06:45 AM   #9

ذكرى الفراق

..أصــعــب ودآآآآآع..
 
الصورة الرمزية ذكرى الفراق

 






ذكرى الفراق غير متواجد حالياً
افتراضي

ابدعت وصح لسانك
 
 
 
 
 
 
 
    رد مع اقتباس
قديم 16-10-2009, 02:26 AM   #10

الرمادي

الموعد الجنة بإذن الله

 







اوسمتي

الرمادي غير متواجد حالياً
افتراضي

عذرا للجميع كنت أظن أني قد رددت على المداخلات وتفاجأت بعدم الرد مع قدم العهد ولعلي أرد الجميع واحدا تلو الآخر
 
 
 
 
 
 
 
    رد مع اقتباس
قديم 16-10-2009, 02:41 AM   #11

الرمادي

الموعد الجنة بإذن الله

 







اوسمتي

الرمادي غير متواجد حالياً
افتراضي

اقتباس:
المشاركة الأصلية كتبت بواسطة bandar مشاهدة المشاركة
الله يعطيك العافية استاذنا الكريم

موضوع رائع وسيرة وافيه لشاعر جميل


بارك الله فيك يابو معاذ ولاتحرمنا من هالفرايد


يثبت
والله يعافيك مشرفنا القدير بندر
والروعة في شهادة أمثالك ممن يتذوقون الشعر ويشرفون عليه
كما أن الروعة في فحولة صاحب السيرة لا كاتبها
والله يبارك فيك وأمل أن أجد الوقت الكافي لتقديم المزيد
ثبتك الله على دينه القويم كما ثبته ردحا من الزمن





اقتباس:
المشاركة الأصلية كتبت بواسطة ابو داحم مشاهدة المشاركة
استاذي الرمادي ،،

كم أنت مبدع .. شهادتي فيك مجروحة والله

عافاك الله على هذا الجهد الجبار ..

البيوت الموجودة رائعة جداً ، ولكن استوقفني المقطع الظريف اللي وقع بينهم
حسيت اني موجود بينهم ( ليت ) اني في ذاك الوقت

أشكرك يا أبو معاذ على هالموضوع الجميل ..

وفعلاً موضوع يستاهل التثبيت

تحياتي لك
أبو داحم إن كانت شهادتك فيّ مجروحة فشهادتي فيك أجرح
روعة تذوق الشعر بتقمص شخصية الشاعر أو تخيل الحاله والأجواء المعاشة
أبو داحم إن كان تعليق العضو وتشجيعه محفزا فكيف بردود المشرفين والمراقبين من أمثالك فأشكر لطفك وتشجيعك
 
 
 
 
 
 
 
    رد مع اقتباس
قديم 16-10-2009, 02:49 AM   #12

الرمادي

الموعد الجنة بإذن الله

 







اوسمتي

الرمادي غير متواجد حالياً
افتراضي

اقتباس:
المشاركة الأصلية كتبت بواسطة عبدالله الشويعر مشاهدة المشاركة
بوركت اخي ابومعاذ على ماسطرته لدينا هنا من انتقاء لأفضل اشعار الشاعر عبدالله الصبي

والموقف اللي حصل بينهم جميل وطريف

تقبلني .وماكتبته هنا يستاهل التثبيت من لدن اخونا الكريم بندر
وبارك الله فيك أخي الكريم عبد الله وما سطرته فالفضل يعود فيه لصاحبه وهو الشاعر الفحل عبد الله الصبي
أشكرك على التواجد الكريم والتعليق المنمق



اقتباس:
المشاركة الأصلية كتبت بواسطة رحيل الشوق مشاهدة المشاركة
شكرا الرمادي
شكرا رحيل الشوق
أسعدني مرورك
 
 
 
 
 
 
 
    رد مع اقتباس
قديم 16-10-2009, 02:56 AM   #13

الرمادي

الموعد الجنة بإذن الله

 







اوسمتي

الرمادي غير متواجد حالياً
افتراضي

اقتباس:
المشاركة الأصلية كتبت بواسطة بريدز شاهي مشاهدة المشاركة
صح لسانك
ولسانك وبنانك أيها الإبريق


اقتباس:
المشاركة الأصلية كتبت بواسطة سديراااوي مشاهدة المشاركة
شاعر فحل
عشنا معه في وقت المغازي والغوص
رحمة الله
وجزاك الله خير على هالنقل
وجزاك الله أخي الكريم سديراوي
الشاعر الفحل هو من يجذبك لقراءة ما لديه بل يجعلك تعيش نفس الأجواء بتأثير سحر البيان وهذا ما ينطبق على شاعرنا ( مبيلش ) رحمه الله
 
 
 
 
 
 
 
    رد مع اقتباس
قديم 16-10-2009, 03:16 AM   #14

الرمادي

الموعد الجنة بإذن الله

 







اوسمتي

الرمادي غير متواجد حالياً
افتراضي

اقتباس:
المشاركة الأصلية كتبت بواسطة ذهينه مشاهدة المشاركة
صح لسانك
ولسانك أختي ذهينة

اقتباس:
المشاركة الأصلية كتبت بواسطة ذكرى الفراق مشاهدة المشاركة
ابدعت وصح لسانك
ولسانك وبنانك يا ذكرى الفراق أما الإبداع فلصاحب الترجمة أما أنا فلست إلا ناقلا ليس إلا
 
 
 
 
 
 
 
    رد مع اقتباس
قديم 16-10-2009, 06:54 PM   #15

شقراوي شقردي

شقراوي وطبعي شقردي
 
الصورة الرمزية شقراوي شقردي

 






شقراوي شقردي غير متواجد حالياً
افتراضي

رحمه الله

الله يعطيك العافيه على الموضوع الطيب
 
 
 
 
 
 
 
التوقيع



    رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


المواضيع والمشاركات المطروحة لاتعبر عن رأي الموقع ، إنما تعبر عن رأي كاتبها فقط

 الساعة الآن 10:24 PM.



Powered by vBulletin® Version 3.8.7, Copyright ©2000 - 2014, Jelsoft Enterprises Ltd. TranZ By Almuhajir
Ads Management Version 3.0.1 by Saeed Al-Atwi